يلا بينا

هنبدا مع بعض اول خطوة في بحثنا العلمي 

و اية هية اول خطوة ؟  ..... سلاحك  يعني دفتر ملاحظاتك 

دوس على الصورة علشان تحمل دفتر ملاحظاتك و تبدا الشغل 

ملحوظة : النسخة دية للطباعه و التدوين اليدوي (( دة شرط دفتر الملاحظات ))

              يوصى بطباعتها على مقاس A5  علشان تبقى خفيفة في ايدك 

فصصها ما تشربهاش

طبعا اول ما هيجي في بالك الاعلان بتاع ميرندا يوسفي ... بس هوة بيقوللك اشربها ما تفصصهاش ... و انا بقول العكس ! 

تيجي نحلل الموضوع دة من منظور علمي .. (( بطريقة كلام علمي )) و نشوف مين الصح .. :)

يلا بينا .... 

ازاي ادور على معلومة

تمام كدة ... دلوقتي عدينا مرحلة ازاي اجيب فكرة ... و لازم علشان اجيب فكرة  يكون عندي مهارات البحث  (( اعرف ادوَر يعني ))

بس اللي كتير مننا ما يعرفوش ان في مرحلة مهمة جدا قبل عملية البحث و هية 

• هبحث على اية ؟
• هبحث فين؟
• هبحث ازاي؟
• هبحث امتى ؟ 
• اتاكد ازاي ان نتيجة البحث دي صحيحة ؟

هدور على اية : كتير مننا اول ما يفكر يبحث .. يفتح على جووجل و يكتب اللي في بالة ... و الكلام دة مش علمي ولا منهجي ... امال ابحث ازاي ؟ 

لازم تكتب في ورقة كدة (( دفتر ملاحظاتك ))  .. انت عايز تدور على اية ؟ و اية الجمل اللي هتكتبها في البحث ؟ و دة اللي بنسمية الكلمات المفتاحية  يعني بالعربي قبل ما تبدا البحث لازم يكون عندك شوية كلمات مفتاحية ...و دية شوية نقاط تاخد بالك منها و انت بتكتب كلماتك المفتاحية 

15 نصيحة علشان تبقى عالم

• النصيحة الاولى : دايما اسال .. من سمات العالم انة دايما بيسال و بيبحث ان اجابة و طول ما انت بتسال يبقى انت ماشي على الطريق الصحيح 
• النصيحة الثانية : دون ملاحظاتك  ... دايما العالم معاه دفتر ملاحظات بيسجل افكارة و انطباعاتة الشخصية و الاسئلة اللي بيدور ليها على اجابة 
• النصيحة الثالثة : دايما اقرأ , دايما ابحث و اطلع على كل جديد 
• النصيحة الرابعه : تابع البرامج العلمية باستمرار , و حاول تعرف كل جديد 
• النصيحة الخامسة : بلاش تفتي .... ما تتكلمش من غير دليل علمي و مصدر موثوق ... ما تعملش نفسك ابو العريف اللي بيفهم في كل حاجة ... مش عيب انك تقول ما اعرفش 

ازاي اجيب فكرة ؟

ازاي اجيب فكرة مشروع بحث علمي ؟

مبروك .... انت فعلا على اول الطريق ..... 

اول خطوة فعلية علشان تجيب فكرة كويسة انك تسال .. و طول ما انت بتسال يبقى انت ماشي على الطريق الصحيح 

انت بتسال ... يبقى بتدور على اجابة .. و دة اللي انت هتعملة في بحثك 

ابدا الاول بانك تسال عن كل حاجة حولك (( البيت , المدرسة , السوق , الشارع , الزبالة , المزارع , الاصحاب ,.......)) .. و في دفتر ملاحظاتك اكتب افكارك علشان الافكار دية هي اللي هتجيبلك فكرة كويسة 

الاسئلة دية هتقودك الى افكار لا نهاية لها و اماكن كتير ... 

طب اروح فين علشان اجيب افكار جديدة ؟

طبعا مش هينزل عليك الوحي و انت قاعد في البيت مستني الفكرة , ولا الانترنت بضغطة زر هيجيبلك فكرة , ... زي ما قولنا علشان اجيب فكرة لازم اسال , و علشان اسال لازم اعرف , و علشان اعرف لازم اروح اماكن كتير ادور فيها و من امثلة الاماكن دية 

اشهر 10 اشاعات في معارض العلوم

هنتكلم النهاردة عن شوية اشاعات عن معارض العلوم و البحث العلمي 

***

الاشاعه الاولى : عندي مذاكرة و هضيع وقتي في البحث 

طبعا مستقبلك مهم جدا و دة شئ لا خلاف علية , لكن السؤال هل البحث العلمي هيضيع وقتك ....

بالعكس .. دة هتكسب بية وقت .. مجرد انك تعرف تفكر بصورة صحيحة هيساعدك على الاستيعاب بصورة افضل , و هيبقى الوقت اللي انت محتاجة في المذاكرة اقل بكتير (( مش محتاج انك تقعد تدح و تحفظ طول اليوم )) من الاخر (( فاهم ... مش حافظ ))

***

خلي سلاحك دايما معاك

طالما في سلاح يبقى في معركة ... و علشان كدة دايما خلي سلاحك صاحي و دايما معاك

طب اية سلاحي ؟

انت باحث ... يبقى سلاحك قلمك و دفتر ملاحظاتك

  و على راي الشاعر الله يرحمة (( العلم صيد و الكتابة قيد ))

علشان كدة اول خطوة في رحلة بحثك لازم تشتري سلاح (( دفتر ملاحظات يعني )) و تبدا رحلة البحث

طب اكتب اية , و اكتب ازاي , .....

كلام علمي

يعني اية كلام علمي ؟  و ازاي يبقى كلامي علمي ؟

الكلام العلمي .. هو كلام معتمد على الحقائق و الابحاث و التجارب ... و في الحقيقة هوة مكتوب :) مش كلام يعني 

بمعنى اصح (( بحث علمي )) و هي كلمة من جزئين الاول بحث  و الثاني  علمي  

بحث : يعني ببحث عن حاجة معينة .. و احنا عارفين طرق البحث المختلفة و هنتكلم فيها لاحقا 

علمي : و هي الكلمة الاهم و مرتبطة بالبحث لكن ازاي ابحث و ازاي الاقي المعلمومة المطلوبة ... و اية نوعية المعلومات اللي عايز ابحث عنها و ازاي اربط جميع المعلومات ببعضها علشان اوصل لنتيجة 

ببساطة .. هي فرصة لطرح سؤال .. لكن من هبحث في كتاب او في الانترنت عن الاجابة , لكن علشان الاقي الاجابة لازم الاحظ , اسجل , اسال اسئلة تانية ,اجري بعض التجارب .... بالظبط زي العلماء 

و هوة دة البحث العلمي 

المصادر  1