15 نصيحة علشان تبقى عالم
- النصيحة الاولى : دايما اسال .. من سمات العالم انة دايما بيسال و بيبحث ان اجابة و طول ما انت بتسال يبقى انت ماشي على الطريق الصحيح
- النصيحة الثانية : دون ملاحظاتك ... دايما العالم معاه دفتر ملاحظات بيسجل افكارة و انطباعاتة الشخصية و الاسئلة اللي بيدور ليها على اجابة
- النصيحة الثالثة : دايما اقرأ , دايما ابحث و اطلع على كل جديد
- النصيحة الرابعه : تابع البرامج العلمية باستمرار , و حاول تعرف كل جديد
- النصيحة الخامسة : بلاش تفتي .... ما تتكلمش من غير دليل علمي و مصدر موثوق ... ما تعملش نفسك ابو العريف اللي بيفهم في كل حاجة ... مش عيب انك تقول ما اعرفش
- النصيحة السادسة : جرب .. و هي مرتبطة بالنصيحة الخامسة ,, ما تتكلمش من غير ما تجرب
- النصيحة السابعه : احلم و تخيل ,,, و اكتب خيالاتك و احلامك في دفتر ملاحظاتك ... ابحاث و اختراعات كتير جدا كانت مجرد احلام و خيالات
- النصيحة الثامنة : اتعلم ازاي تبحث عن مصادر المعلومات المختلفة ... من اهم صفات العالم انة بيعرف يلاقي اللي هوة عايزة
- النصيحة التاسعه : طور نفسك في اللغة الانجليزية .. لان اغلب المصادر العلمية مكتوبة باللغة الانجليزية
- النصيحة العاشرة : ساعد الناس ... لما تلاقي حد محتاج مساعدة في بحث او معلومة و انت تعرفها ... ساعدة فيها ... و اكيد هتلاقي اللي يساعدك في بحثك
- النصيحة الحادية عشر : ما تتكسفش من طلب المساعدة
- النصيحة الثانية عشر : اوعى تيأس ... ما تقولش بقالي شهرين في بحثي و ما وصلتش لحاجة , التجربة طولية قوي ... من صفات العالم الصبر مثلا (( نيوتن قعد 20 سنة بين مشاهدتة للتفاحة و قانون الجاذبية ))
- النصيحة الثالثة عشر : خلي بحثك هوة هوايتك .... ما حدش بيزهق من هوايتة و هناك مقولة مشهورة (( حب ما تعمل حتى تعمل ما تحب ))
- النصيحة الرابعه عشر : شارك افكارك مع الاخرين , مشاركتك لافكارك بيساعدك على اثرائها و تطويرها , و اكيد هتعرف احتياجات الناس اية
- النصيحة الاخيرة : تواضع ... التواضع من صفات العلماء .... مش اول ما تطلع في التلفزيون او يكتبو عنك خبر في الجرايد تعيش الدور و تسمي نفسك الانفينتور على الفيسبوك
ليست هناك تعليقات:
إرسال تعليق