إظهار الرسائل ذات التسميات افكار. إظهار كافة الرسائل
إظهار الرسائل ذات التسميات افكار. إظهار كافة الرسائل
ازاي افرض فرضية ؟
تفتكرو اية هية الخطوات اللي فاتت من البحث العلمي ؟
بالظبط
فكرة .... سؤال .... خلفية علمية
التلات خطوات دية معناها انك لسة على البر ... مجرد فكرة و سؤال و ابتديت
تشوف في حد فكر زيك ولا لأ اية اخر
الابحاث اللي وصل ليها الناس في موضوع فكرتك و اية هية النظريات و الابحاث
المرتبطة بموضوع بحثك
طب هندخل امتى في الشغل ؟
هوة انا امتى هكون محتاج خبير ؟؟
·
اولا علشان تدور على معلومة ... هتدور عليها بنفسك ... و
هتنزل عليك من السما ؟
·
حدد معلومتك بدقة
(( مش تقول شفولي حد بتاع فيزيا و لا دكتور بتاع فلك ... علشان يدورلي ... الناس دية مشغولة اكتر منك ))
·
اعتمد على نفسك و ابذل مجهود
·
انزل بنفسك و اسال الناس الاكبر منك (( مش تقول انا
الواد السوبر و مش محتاج اي مشرف و هتعمل كل حاجة لوحدك ))
·
مش شرط المشرف يكون بيفهم في تخصصك ... لكن هيساعدك انك
تلاقي اللي بيفهم في تخصصك
·
مش هيجي ليك المتخصص (( كيميا او فيزيا او هندسة ... و
يقولك .. الباشا يؤمر باية ؟؟ )) ... لازم على الاقل تكون انت عملت 60 % من الشغل
و هوة هيجاوب ليك على استفسارات معينة و اسئلة انت محددها مسبقا
·
دور الاول في الاماكن اللي موجود فيها الناس دية (( عايز دكتور .. روح مستشفى ... او كلية
طب ,, عايز مهندس روح كلية الهندسة .... و
هكذا ...
·
مش شرط ان
المعلومة اللي انا عايزها لازم اللي يعرفها واحد معاه كتوراة .. ممكن يكون واحد عندة خبرة عملية في
المجال .. ممكن يكون طالب في الكلية ... ممكن يكون المعيد .. ممكن يكون واحد صاحبك
بس بيقرا اكتر منك
15 خطوة لدفتر ملاحظات ما يخرش المية
صباح الفل ... عارف المثل اللي بيقول ((
العلم في الراس مش في الكراس )) .... انساه خالص
اعملة Shift +
delete من اي حتة في حياتك ..
طيب خلاص .. عمل شيفت ديليت للمثل ... اعمل
اية تاني ؟؟ .... تبدا تشتغل العكس ..
يعني تبدا تكتب كل حاجة بتفكر فيها و كل حاجة تيجي على بالك .
و دة اللي بنسمية دفتر ملاحظات ... طالما
قررت انك عايز تبقى عالم .. يبقى لازم
تبدا بعمل دفتر ملاحظاتك
طب الدفتر دة شكلة ازاي ؟ اقوللك يا سيدي
اولا هات دفتر كبير و متين (( مش هتدخل بية
خناقة يعني )) متين يعني يستحمل الاستعمال المتكرر و يكون شكلة روش علشان
ما تزهقش من شكلة
و خدلك شوية النصايح دية علشان تظبط دفتر
ملاحظاتك :
ازاي اختار فكرة كويسة
المرحلة دية دايما بتيجى تاني خطوة بعد ( ازاي اجيب فكرة ) بتكون خلاص جبت شوية افكار كتير ... بس محتار .. اية الفكرة اللي هشتغل عليها و اعمل بحث ؟
طب و على اساس اية اختار الفكرة ؟
هختار اية .. السهلة ولا الصعبة .... اللي بتاخد وقت ولا اللي ما بتاخدش وقت ... اللي عايزة شغل ولا اللي عايزة كسل ... اللي عايزة تصميم ولا اللي عايزة بحث
موضوع محير .. مش كدة ؟؟ .. و خصوصا ان اختيارك هيتوقف علية شغل كتير .. ووقت كتير .....
دماغك اية ؟
يا ترى اية نظرتك للامور ... هل هي نظرة عادية , ولا نظرة علمية ؟
بتشوف الحاجات اللي كل الناس شايفاها ... ولا بتلاحظ حاجات ما حدش بياخد بالة منها ؟
في الصورة اللي فوق ... فرق بينك و بين اي شخص عادي ....
لو عايز تبقى شخص غير عادي ... يبقى شوف الامور من منظار علمي .... اهلا بيك في كلام علمي :)
ملحوظة : اضغط على الصورة لمشاهدتها بالحجم الطبيعي
ملحوظة : اضغط على الصورة لمشاهدتها بالحجم الطبيعي
فصصها ما تشربهاش
طبعا اول ما هيجي في بالك الاعلان بتاع ميرندا يوسفي ... بس هوة بيقوللك اشربها ما تفصصهاش ... و انا بقول العكس !
تيجي نحلل الموضوع دة من منظور علمي .. (( بطريقة كلام علمي )) و نشوف مين الصح .. :)
يلا بينا ....
15 نصيحة علشان تبقى عالم
- النصيحة الاولى : دايما اسال .. من سمات العالم انة دايما بيسال و بيبحث ان اجابة و طول ما انت بتسال يبقى انت ماشي على الطريق الصحيح
- النصيحة الثانية : دون ملاحظاتك ... دايما العالم معاه دفتر ملاحظات بيسجل افكارة و انطباعاتة الشخصية و الاسئلة اللي بيدور ليها على اجابة
- النصيحة الثالثة : دايما اقرأ , دايما ابحث و اطلع على كل جديد
- النصيحة الرابعه : تابع البرامج العلمية باستمرار , و حاول تعرف كل جديد
- النصيحة الخامسة : بلاش تفتي .... ما تتكلمش من غير دليل علمي و مصدر موثوق ... ما تعملش نفسك ابو العريف اللي بيفهم في كل حاجة ... مش عيب انك تقول ما اعرفش
ازاي اجيب فكرة ؟
مبروك .... انت فعلا على اول الطريق .....
اول خطوة فعلية علشان تجيب فكرة كويسة انك تسال .. و طول ما انت بتسال يبقى انت ماشي على الطريق الصحيح
انت بتسال ... يبقى بتدور على اجابة .. و دة اللي انت هتعملة في بحثك
ابدا الاول بانك تسال عن كل حاجة حولك (( البيت , المدرسة , السوق , الشارع , الزبالة , المزارع , الاصحاب ,.......)) .. و في دفتر ملاحظاتك اكتب افكارك علشان الافكار دية هي اللي هتجيبلك فكرة كويسة
الاسئلة دية هتقودك الى افكار لا نهاية لها و اماكن كتير ...
طب اروح فين علشان اجيب افكار جديدة ؟
طبعا مش هينزل عليك الوحي و انت قاعد في البيت مستني الفكرة , ولا الانترنت بضغطة زر هيجيبلك فكرة , ... زي ما قولنا علشان اجيب فكرة لازم اسال , و علشان اسال لازم اعرف , و علشان اعرف لازم اروح اماكن كتير ادور فيها و من امثلة الاماكن دية
الاشتراك في:
الرسائل (Atom)








