صباح الفل ... عارف المثل اللي بيقول ((
العلم في الراس مش في الكراس )) .... انساه خالص
اعملة Shift +
delete من اي حتة في حياتك ..
طيب خلاص .. عمل شيفت ديليت للمثل ... اعمل
اية تاني ؟؟ .... تبدا تشتغل العكس ..
يعني تبدا تكتب كل حاجة بتفكر فيها و كل حاجة تيجي على بالك .
و دة اللي بنسمية دفتر ملاحظات ... طالما
قررت انك عايز تبقى عالم .. يبقى لازم
تبدا بعمل دفتر ملاحظاتك
طب الدفتر دة شكلة ازاي ؟ اقوللك يا سيدي
اولا هات دفتر كبير و متين (( مش هتدخل بية
خناقة يعني )) متين يعني يستحمل الاستعمال المتكرر و يكون شكلة روش علشان
ما تزهقش من شكلة
و خدلك شوية النصايح دية علشان تظبط دفتر
ملاحظاتك :
1.
ابدا بكتابة اسمك و بياناتك على الدفتر
2.
رقم صفحات الدفتر ... و حسك عينك تقطع منة ورقة
3.
استخدم دايما القلم الجاف (( علشان ما تعرفش تمسح علشان
لما تقراة تستفيد من الحاجات اللي كتبتها غلط ... لكن لو مسحتها مش هتستفيد
منها ))
4.
قبل ما تكتب اي حاجة اكتب التاريخ و الوقت
5.
سيب دايما فراغات على الهوامش و اسطر فاضية فوق و
تحت (( علشان لو حبيت ترجع لصفحة و تكتب
ملاحظات اضافية ))
6.
ما تقلقش من حكاية ان خطك وحش او بتشخبط كتير .. من
الاخر دة حاجة خاصة بيك بتساعدك على التفكير
7.
اكتب كل حاجة في الدفتر ...(( افكار , رسومات ,ارقام ,
احصائات ,عمليات حسابية , مخططات , ارقام تليفونات و ايميلات الناس اللي بيساعدوك
, خواطر و اشعار .... بس ما تشطحش و تلاقي الدفتر في الاخر بقى ديوان شعر J
8.
خلي الدفتر دايما معاك و سجل كل حاجة ساعه ما تحصل
بالوصف الدقيق (( مش تركن الدفتر في الدرج
و تقول ابقى اسجل ملاحظاتي كل يوم خميس و جمعه ))
9.
اي حاجة حتى لو كانت صغيرة بردة اكتبها فية (( يوضع سرة في اضعف خلقة ))
10.
قسم الدفتر بتاعك لاقسام .. علشان ماتوهش و توفر
وقت مثلا (( ملاحظات , جداول , خلفية
علمية , اسئلة , مراجع , مواقع , .........))
11.
اي ورق خارجي او صور صورتها الزقها في الدفتر و كتب
عليها التاريخ
12.
اكتب دايما انطباعاتك الشخصية عن ملاحظاتك
13.
اكتب اسباب فشلك ... النتايج الغلط .. اكيد هترجعلها و
هتستفيد منها
14.
اوصف كل حاجة وصف دقيق و مفصل (( علشان لو اي حد تاني
قري الدفتر بعدك يفهم كل حاجة ))
15.
اوعى تنسى حاجة من ال14 نصيحة اللي فاتو
ليست هناك تعليقات:
إرسال تعليق