المرحلة دية دايما بتيجى تاني خطوة بعد ( ازاي اجيب فكرة ) بتكون خلاص جبت شوية افكار كتير ... بس محتار .. اية الفكرة اللي هشتغل عليها و اعمل بحث ؟
طب و على اساس اية اختار الفكرة ؟
هختار اية .. السهلة ولا الصعبة .... اللي بتاخد وقت ولا اللي ما بتاخدش وقت ... اللي عايزة شغل ولا اللي عايزة كسل ... اللي عايزة تصميم ولا اللي عايزة بحث
موضوع محير .. مش كدة ؟؟ .. و خصوصا ان اختيارك هيتوقف علية شغل كتير .. ووقت كتير .....
دية شوية حاجات ممكن تساعدك في تحديد الفكرة المناسبة ليك :
• اول حاجة اختار الموضوع اللي بتحبة
• احكي فكرتك لاخوك .. مدرسك ... اهلك .... صاحبك الانتيم ... و شوف اية رايهم .. شايفين ان الموضوع مهم ولا اية
• ادرس الحاجة اللي حولك .. اللي تقدر توصلها و تشوفها بعينك ... ما ينفعش مثلا تدرس الامراض التي تصيب نبات الشاي الاخضر .... و احنا في مصر ما بنزرعش الشاي من اساسة
• يتكون مناسبة للامكانيات المادية .. ما تقولش انا عندي فكرة بمليون جنية .. و تقعد مستني حد يديك مليون جنية علشان تكمل بحثك (( احب ابشرك ان ماحدش هيسال فيك ))
• ابعد دايما عن المخاطر و عدم المشروعية .. ماتقولش انا عايز 200 جرام يورانيوم .. و ربع كيلو ديناميت علشان اخلص بحثي
• هل تقدر تجيب معلومات كافية في موضوع بحثك ... تقدر تبني خلفية علمية كويسة .. تقدر توصل لنتايج ابحاث سابقة
• هل تقدر تجيب الادوات اللي انت محتاجها ... ادوات القياس اللي هتستخدمها ...
• هل وقتك كافي لاجراء التجربة .. عايز تدرس الوراثة في نبات النخيل ... يعني هتستنى 3 سنين على الاقل علشان تشوف النتيجة (( لما النخلة تجيب بلح ))
• في حد خبير في الموضوع دة ممكن يساعدك يقدم ليك دعم علمي او مساعدة في عمل تجربة معينة
• و اخر حاجة ... فصصها ما تشربهاش ...
ليست هناك تعليقات:
إرسال تعليق