الخطوة دية بتعتبر من اطول
الخطوات و اهمها ... يعني ممكن تقعد في بحثك سنة كاملة ... 10 شهور منهم بتجمع
خلفية علمية
طب يعني اية خلفية علمية ؟
دية الخطوة اللي بيبدا عندها
التحول ...
- من شخص عادي الى باحث ..
- من واحد بيشوف الامور بشكل سطحي .... الى واحد بيشوف الامور بشكل علمي
- من واحد بيقرا و خلاص ... لوحد بيقرا بعمق و بيفهم
- من واحد بيجمع معلومات و يرصها تحت بعضها و خلاص .... لواحد بيجمع المعلومات و يحللها و يستنتج منها المعلومات اللي هوة عايزها
- من واحد بيسمع الاشاعات و يصدقها .... لواحد لازم يدور على المصدر العلمي الصحيح لاي معلومة
طبعا التحول دة مش بزرار
سحري .... دية حاجات لازم انت تعملها
و الخلفية العلمية بتتكون من تلات حاجات مهمة جدا بيحصلو فيها
الحاجة
الاولى : اية هية الابحاث السابقة المرتبطة بموضوع بحثك و ناخد بالنا من حتة مهمة (( بقولك المرتبطة بموضوع بحثك ...
و ليس في بحثك )) علشان في ناس بتقول البحث
بتاعي جديد .. ازاي اجيب ابحاث سابقة فية ...
طيب
نضرب مثل
موضوع بحثك بيتكلم على
الاستفادة من الاملاح الزائدة في التربة .... يبقى لازم تعرف الابحاث السابقة اللي
بتتكلم في :
- انواع الاملاح
- كيفية استخلاص الاملاح
- الاملاح الضارة و المفيدة
- الاملاح التي تدخل في الصناعات
- هل التربة بتحتاج املاح للزراعه .. (( يعني لو نقيت التربة من الاملاح هل هتبقى صالحة ))
- و حاجات كتير جدا لازم تقرا فيها
الحاجة
التانية : اية هية النظريات و
المعادلات و آليات العمل المرتبطة بموضوع
بحثك و اللي انت هتعتمد عليها في بحثك
مثلا : ما ينفعش انك تدرس علاج
مرض السرطان من غير ما يكون عندك معلومات عن انواعة و طرق علاجة و انتشارة (( و دة الفرق بين الدكتور و الجزار ))
مثال تاني : ما ينفعش تعمل
تعديلات على موتور العربية من غير ما يكون عندك معلومات عن قوانين الطاقة و الحركة
(( و دة الفرق بين الاسطى بلية و المهندس ))
راجع موضوع (( دماغك اية ))
و تالت
حاجة و هو موضوع مرتبط بالخلفية العلمية و هو (( ازاي ادور على معلومة ))
مهارات البحث يعني
ليست هناك تعليقات:
إرسال تعليق