طب دية نتيجة متوقعة ... و انا عالم و بتاع بحث
علمي .. المفروض اني اجرب علشان اعرف التوقعات دية صحيحة ولا لأ
طب اية هيه الحاجات اللي هجربها و اختبرها في
الفرضيات بتاعتي .... الحاجات دية بنسميها
متغيرات
يبقى المتغيرات هي الحاجات اللي انا لازم
احددها بعد ما افرض الفرضية علشان اقدر اعمل تجربة ناجحة
طب اية هيه المتغيرات؟ و أية أنواعها ؟ و اية شروطها ؟
قبل ما نجاوب على الأسئلة دية ... تعالوا نشوف مثال و نرجع تاني
هنفرض انك عايز تعمل تجربة علشان تعرف أية نوع
السماد المناسب علشان ينمو النبات بسرعه
هتقوللي بسيطة
... نجيب قصريتين زرع ... واحدة نحط عليها سماد .. وواحدة ما نحطش عليها
سماد و نشوف الشجرة الأطول
طب فين المتغيرات هنا ... ؟
المتغيرات هنا هي السماد نمو النبات
..... بس محتاجين تفصيص
(( هوة احنا هنحسب السماد بالحجم ولا
بالوزن ولا بالنوع ولا بكمية المادة الفعالة )) اكيد لازم اعرف كل
واحدة من دول علشان اعرف اتحكم فيها
(( طب نمو النبات هنحسبة بالطول ولا بكمية
الأوراق ولا بكمية الإنتاج ولا بسرعه الإنتاج )) ؟
دة بيجاوب ليا على سؤال (( اية شروط المتغيرات
؟ ))
لازم المتغيرات ...
- احددها بدقة شديدة
- اقدر اقيسها
- عندي الأداة اللي هقيس بيها
- عارف أية هيه وحدة القياس
- اقدر اتحكم فيها
طب نرجع كدة للسماد و النبات
هنلاقي عندنا نوع من المتغيرات انا بتحكم فيه و ازودة و أقلله على مزاجي اللي هوة
السماد و دة المتغير المستقل او المتغير
الحر
و النوع التاني من المتغيرات
اللي هوة نمو النبات و دة بيحصل نتيجة التأثير بالمتغير الحر يعني انا اقدر اقيسة
لكن ما بتحكمش فيه و دة بنسميه المتغير
التابع
يعني انا باختصار في تجربتي
بتحكم في
المتغير الحر (( كمية السماد ))
و اقيس النتيجة على المتغير التابع ((
نمو النبات ))
تعالوا كدة نجربها على شروط
المتغيرات
- (( احددها بدقة )) بناء على مبدا التفصيص اختار حاجة واحدة اتحكم فيها ( وزن السماد & و طول النبات )
- (( اقدر اقيسها )) اقدر اوزن السماد و اقيس طول النبات
- (( عندي أدوات القياس )) ميزان و مسطرة
- (( عارف وحدة القياس )) السماد بالجرام و طول النبات بالسنتيمتر
- ((اقدر اتحكم فبها )) و دة بالنسبة للمتغير الحر اني اقدر اتحكم في كمية السماد اللي أحطه على النبات
طب في حاجات تانية محتاج اتحكم فيها ؟
..... طبعا
اقعد مع نفسي كدة و اشوف أية هيه الحاجات
التانية اللي ممكن تأثر على طول النبات
- كمية المية
- الرطوبة
- الضوء
- نوع التربة
- و حاجات تانية كتيييييير
طب الحاجات دية أية ظروفها (( هل ممكن اعتبرها
متغيرات حرة )) بس انا ما بغيرش فيها
دة نوع من المتغيرات اسمة متغير ثابت ... و دة
بياثر بصورة مباشرة على المتغير التابع و ممكن يبوظ ليا التجربة علشان كدة لازم
اتحكم فية (( اثبته )) في تجربتي علشان تطلع التجربة مزبوطة و متأثرش على النتائج
طب في سؤال بيطرح نفسة ...
هوة ممكن يكون المتغير الحر بيساوي صفر ؟ ازي يعني ؟
يعني مثلا اقيس طول النبات من غير ما احط علية
سماد أساسا ... ؟
دية حاجة مهمة جدا بنسميها مجموعه التحكم او
المجموعة الضابطة ... بحيث نعرف نسبة تأثير السماد على طول النبات فلازم نجرب من
غير السماد أساسا
و بكدة نكون أتكلمنا عن
- المتغيرات الحرة
- المتغيرات التابعة
- المتغيرات الثابتة
- مجموعه التحكم
و بكدة تبدا تجهز حاجتك علشان تعمل تجربة
(( خلي بالك في مرحلة مهمة جدا قبل اجراء
التجربة و بعد المرحلة دية ... هنتكلم فيها بالتفصيل بعدين ))
....
أبحاث سعيدة :)
هناك تعليق واحد:
جميل جداااااااااااااااا اعجبنى
إرسال تعليق