طبعا في اختلافات
كتير بين الدكتور و الجزار ... اكيد في
دكاترة جزارين بجد :)
و في جزارين دكاترة
بجد .... اديهم تتلف في حرير
طب اشمعنا نتكلم عن
الاتنين دول بالذات ... تعال نفصصها بأسلوب علمي الأول
الدكتور :
دة شخص دخل كلية الطب
... قعد يدرس 7 سنين يكون معلومات من ناس عندة خبرة كبيرة في كل حاجة في جسم
الانسان .. مع العلم انة هيتخصص في حاجة واحدة بس و بعدها بيبقى في المستشفى كام
سنة بيذاكر برضة و بيحضر مؤتمرات كتير جدا و بيقرا اخر الأبحاث العلمية في تخصصة لغاية مياخد خبرة و يبقى دكتور مشهور
الجزار :
دة شخص بيتعلم من غير ما يقرا .. بيشوف اللي قدامة و
بيقلدة مش محتاج يقرا معلومات عن الدبح و الجزارة
بيبقى جزار و معلم في
مدة صغيرة جدا مش محتاج يتخصص في أي حاجة (( دبح و سلخ و تقطيع .... الخ )) مش
محتاج يطور مهنته ... مش محتاج يحضر أبحاث و مؤتمرات عن مهنته .... بيسن السكين و
بيديها .... :)
طب أية العلاقة بين
الاتنين
الدكتور من غير علم
جزار ...... و الجزار بالعلم يبقى
دكتور :)
الدكتور بيشتغل و
البني ادم صاحي ... الجزار بيموت الأول و بعدين يشتغل
نيجي بقى لاخر
حاجة ... اية علاقة الكلام دة
بموضوعنا
في ناس كتير جدا
بتشتغل بحث علمي بينط فجاة على خطوة التجربة ... عايز يجرب الفكرة علطول .(( و دة
جزار )) مش عايز يكون أي بنية معرفية او خلفية علمية و دة بيضيع وقت و مجهود كبير
و في الأخر ماعندوش أي أساس علمي ... و مش بيتعلم حاجة
لكن في مرحلة مهمة
جدا قبل التجربة و هي الخلفية العلمية (( و دة الدكتور )) بيعرف كل حاجة صح و
بيفهمها صح علشان يعمل التجربة بس لاثبات فرضية و دة بيوفر وقت و مجهود و بيتعلم
حاجات كتير خلال بحثة
و نفس الاختلافات بين (( المهندس و الاسطى بلية )) , (( الجنايني و المهندس الزراعي )) , (( الصيدلي و العطار )) و ناس كتير جدا ممكن نقابلهم في حياتنا .....
دلوقتي .. انت مين فيهم ؟
و نفس الاختلافات بين (( المهندس و الاسطى بلية )) , (( الجنايني و المهندس الزراعي )) , (( الصيدلي و العطار )) و ناس كتير جدا ممكن نقابلهم في حياتنا .....
دلوقتي .. انت مين فيهم ؟
ليست هناك تعليقات:
إرسال تعليق